Freed 9 maaie is der yn it appelhôf oan de Van Sminialeane yn Wommels wer in “Bobjûn” foar Boppers, OpperBoppers(stipers) en frijwilligers fan it Greidhoek’Festival. De útnoegingen sille hjirfoar yn april de doar útgean.
It sil wer in alderaardichste jûn wurde wêr ‘t û.o. út de doeken dien wurde sil op in saneamde parsekonferinsje wat der sa al spylje sil op sneon 13 septimber op it Greidhoek’ Festival 2014.
Der komt ek in alderaardichst bandsje te spyljen.
Wa ’t dat wêze sil is noch in ferrassing!
It begjint om 19.00 en sil foar midsnacht dien wêze.

Wolle je ek in útnoeging krije foar dizze jûn wurd dan no noch Bopper of OpperBopper en stypje ús festival!

Wy sjogge nei jim út!

Bob seit; “De beurs kin Bob de skoarstienmantel lizzen bliuwe, want Bob betellet”!