Freed 22 maaie is der yn it appelhôf oan de Van Sminialeane yn Wommels wer in “Bobjûn” foar alle Boppers, OpperBoppers(stipers) en frijwilligers fan it Greidhoek’Festival. De útnoegingen sille hjir foar ein april de doar útgean.
It sil wer in alderaardichste jûn wurde wêr ‘t ûnder it genot fan in hapke en in snapke û.o. út de doeken dien wurde sil, op in saneamde parsekonferinsje, wat der sa al spylje sil op sneon 12 septimber op it Greidhoek’ Festival 2015 yn Wommels.
It Greidhoek’ Festival bestiet 5 jier en belibbet syn earste lustrum.

De Bobjûn wurdt opkrease troch de  jierren 50/60 rock ´n rollband The Wild Coyotes.
Sy spylje  û.o. nûmers fan Elvis, The Beatles, CCR, The Kinks en Chuck Berry.

De Bobjûn begjint om 17.00 en de muzyk spilet oan ’t 22.00 oere ta!

Der stiet in taap en fansels is der fris en Bob sil ek foar wat iten soargje.

Wolle je ek in útnoeging krije foar dizze jûn wurd dan no noch Bopper of OpperBopper en stypje ús festival!

Wy sjogge nei jim út!

Bob seit; “De beurs kin Bob de skoarstienmantel lizzen bliuwe, want Bob betellet”!